生仔定生女好呢!?

究竟，生仔好呀，定生女好呢?

大家唔好亂諗野，唔係本人懷胎十月就生得，而係諗緊第時有呢個機會既時間，生仔定生女好呢?

有人話生仔好，生仔有得分嘛，你睇下d富豪、圍村咁，有錢有屋有地分，結婚前要簽合約，生仔有得分身家，你話幾咁重要!?

除左呢d明面上既，生仔既優勢都唔錯，至少行行下街去洗手間都唔使排餐死呀。

咁當然生女都好好呀，自古就有人講女兒係父母貼心既小綿襖嘛，唔明? 簡單d講，體貼又稱心囉。 生女冇得分? 唔緊要呀，養大左就去分人地個d嘛，分自己個d做咩野，傻架!?

其實睇落去，好似生仔生女都唔錯，不過又睇番而家香港既情況，截至2013年中，政府統計處出既人口估計報告裡面，香港現時男女比例有d失衡，男性人口約 333萬，女性人口約 385
萬。 (想了解就入去睇吧 http://www.censtatd.gov.hk/hkstat/sub/so150_tc.jsp )

如果係咁，生仔好似優勢大d吧，物以稀為貴，用數字黎睇都唔驚搵唔到老婆，剩係驚搵唔到老婆本......

男女比例失衡，唔怪得而家d男女好早就開始搵另一半了。

話說，本人放工搭巴士返屋企吃金冠飯，上到巴士本人習慣就上第2層既偏後排坐，行到上去就見到平時坐開既風水位前面有對學生男女邊食邊講，吃個不亦樂乎。 咁冇法啦，我只好退而求其次，好委屈咁坐後多行。

坐定定、開車、手機出動，用下d技能點數。 當然啦，前面男女同學細聲講大聲笑真係幾煩，搞到我都專心唔到。 不過唔睇由自可，一睇就想問候人父母，個2位男女同學都食完1個美味既忌廉泡芙(睇落好似)，個男同學就隨手將個食物袋丟向佢地前一排既位，然後就用佢個嘴幫佢旁邊既女同學清潔嘴巴。 唔知個女同學個口太細定太唔小心，我見個男女學幫佢清潔完個嘴，又幫佢清潔埋條頸，我唔讚佢細心都唔得。

雖然個位男同學都有用眼啤下我有冇留意佢既清潔行為，但我一個宅男打機look好明顯令佢好放心咁不時就去幫女同學清潔一下。 唉，但佢唔記得巴士d清潔都唔錯呀，佢旁邊同隔黎排既玻璃都好睇得清佢隻手做緊咩，單純既我當然估係幫緊女同學整理衣服呀，咁細心既男仔真係難得......

好彩佢地既行為去到多人上車既站就停左，唔係我都覺得個男同學隻手會好攰。

唔，雖然巴士上面呢d清潔行為我睇唔少，但愈黎愈年輕化同光明化，睇黎如果問生仔定生女，不如問仲生唔生吧!?