一齊「潮拜」

三點三下午茶大家都聽得多呱！但近排辦公室裏頭興起另一種熱潮，就係「潮拜」喇！咁到底咩叫潮拜呢？等小編同大家解釋一下。

首先大家唔好誤會，「潮拜」與任何宗教活動無關。原來，現時有部份香港人開始注意自己的健康 (留意只係部份同開始咋，即係好仲好多都未注意同開始架)，開始做一D伸展運動。由其是經常坐在辦公室 /長期使用電腦人士，身體常常出現好毛病，一時呢到痛一時個到痛咁，成日叫晒救命。呢班終於開始醒覺，識得去搵物理治療、睇書或上網搵資訊，改善身體素質。

經常坐係辦公室工作打電腦、坐位高度唔岩、椅子同張台高度不符、坐姿又唔正常或熒幕距離唔岩係好容易出事，小心肩頸痛日日纏住你。其實長期做同一個動作都唔係咁好，就算你唔識「潮拜」你平日都會自己走走動動，提下神郁動下，等自己舒服D，再投入工作。

大家真係要學下潮拜喇！無論你坐係到又做到，企係到又做得，得左！

潮拜方法：
1. 高舉雙手
2. 頭望上天花板
3. 維持10-20秒

潮拜動作有效舒援頸肩組織，能減少壓住神經線的機會。進行期間注意，雙手必須舉高才有效，可以選擇企或坐，重覆做幾次就可以。

記住每次下午茶時間一齊「潮拜」。

p.s. 以上「潮拜」方法純屬個人分享，若想知更多舒緩方法請詢問你的物理治療師