話說，現今有1個阿伯好鍾意賭馬，佢賭親都幾千幾百萬上落。呢位阿伯佢為人豪爽、有義氣，而且仲交遊廣闊，D朋友都尊稱呢個阿伯做蔡翁。
又話說有1次馬季開鑼，蔡翁當然唔會錯過，就自己走左入去馬場。
好快咁就跑左幾場，蔡翁手氣唔錯，有D斬獲。就係最後個場差唔多開跑個陣，蔡翁個就”咇咇”聲響。原來，係佢個外藉練馬師好友”Mr. 羅白頭”就打俾佢，蔡翁一睇係羅白頭打俾佢就知有料到，好快就接聽左。
蔡翁︰「羅白頭先生你好呀，係咪有好野益我呀?」
羅白頭︰「…(沙沙)…蔡翁…(沙沙)….有…益你呀..。」
蔡翁︰「喂喂? 羅白頭你講咩呀，個電話好”侄”喎。」
羅白頭︰「有內…(沙沙)…貼士…(沙沙)…記得…(沙沙)…2號飛…(沙沙)…中硬架。」
蔡翁︰「中硬!? 係咪2號呀，喂喂?」
蔡翁心諗︰「羅白頭同我咁熟，唔會陰我既，仲要講到中硬，呢次唔訓身都對唔住自己!」 就咁蔡翁就打個電話落注，黎一個”一仗功成萬骨枯”，連棺材本都落埋。
好快咁就開跑，亦好快咁跑完，結果......竟然係12號跑出。蔡翁心諗呢次真係要飲大檸樂啦，咩錢都輸晒，佢估唔到羅白頭咁對佢。呢個時候，羅白頭又打電話俾佢。
羅白頭︰「蔡翁，呢次賺唔少啦，唔好唔記得兄弟喎。」
蔡翁︰「你仲好講，叫我買2號，仲話中硬，我呢次訓街都唔掂。」
羅白頭︰「2號!? 我叫你買既係12號”非福”呀，你唔係聽錯呀!?」
蔡翁︰「……」
呢個故事就係現今版既 — 「蔡翁失馬，焉知非福」
(以上純粹搞爛，如有雷同，實屬巧合。)
(以上純粹搞爛，如有雷同，實屬巧合。)
0 留言:
發佈留言