話說,因為中秋節,有個老爺爺同佢班孫仔孫女一齊賞月。個老爺爺見班孫仔孫女好似有d悶,就諗住同佢地講下故仔。
老爺爺︰「見你地咁乖,爺爺同你地講個有關月亮既故仔吧。」
男孫1號︰「我知、我知,係咪「美少女戰士」呀? 我要替月行道,儆惡懲奸。」
男孫1號一邊講,一邊就擺出1個”V”手勢橫放係額頭旁。
老爺爺大汗︰「唔係…..雖然爺爺都好鍾意睇。」
孫女1號就舉手好興奮咁講︰「我知、我知,係咪「天涯孤客」呀? 月月光光、月月光光…」
老爺爺未等孫女1號唱完就叫︰「唔係…..雖然爺爺好鍾意聽鄭少秋。」
老爺爺講完,見一班孫仔孫女都估唔到就開估︰「我今次係講 “嫦娥奔月”既故仔。」
男孫2號今次好快就大叫︰「我知、我知,「嫦娥奔月」係講有個偷野食既女人,驚俾人拉就搭火箭去月球避難既故事。」
老爺爺狂汗︰「你咁講都冇咩錯既……不過,今次爺爺講既”嫦娥奔月”係1個關於運動既故事。
一班孫仔女聽到爺爺咁講,就靜靜咁等爺爺講故仔。
老爺爺︰「話說有1個好努力既長跑運動員,佢每晚都會去跑步,而且風雨不改,每個人見到都讚好。不過,呢個運動員有個缺點,佢一路跑會一直大叫佢自己既目標「我要跑到月落既地方」。
」
老爺爺飲咗啖水,又繼續講︰「D路人開始聽佢咁跑住講都覺得佢好努力、好有目標,不過聽得多就覺得佢成日”e e鵝鵝”好鬼煩。所以每次d人見到佢跑,都會話「常鵝奔月」啦。」
眾孫狂汗……
(以上純粹搞爛,如有雷同,實屬巧合。)
(以上純粹搞爛,如有雷同,實屬巧合。)
0 留言:
發佈留言