女神唔易做 小心變「女神」經

pic: tupian.baike.com

女神第一造形梗係要將自己既髮型變成「側頭髮型」，即係將長長秀髮撥晒係其中一邊肩膊上，形成標準既「女神頭」。呢個髮型除左女星愛用之外，好多渴望成為「女神」既女孩子都要選用，一梳就得左喇！

但原來女神真係唔易做，如果長期梳「女神頭」，而加上長期坐姿勢不正確，可能會令「頸椎間盤凸出，甚至會壓住脊髓神經，令手腳不協調；若加上長期低頭玩電話或佩戴大頸鏈等，更會令病情惡化，嚴重的可致癱瘓」。嘩嘩嘩！想做女神姐，好似搵命博咁~

你仲做唔做？！

Read more

如果iphone6真係大mon

pic: hk.aboluowang.com

 近日有好多iphone6的新聞及傳聞，話今次iphone會出大mon，但依家都應該仲係一個迷。(其實都唔使再估，反正大家都係蘋果迷，佢出咩你地都會用架喇！)確實消息就未有喇，但相信9月出就係鐵定，點會隔咁耐唔出新機，再唔出點邊有錢種下一批蘋果呀！

話時話，我早幾年開始已經由蘋果轉左三叔，再轉去LG。講真，始終都係蘋果機好用d，事關佢個系統真係穩定好多，用落真係無乜點hand過機或者彈apps。用android機係自由少少，mon大，可以亂咁裝野，無乜局限，仲有價平。可惜，用落成日撞呢樣撞個樣，d apps又容易彈，運行速度又差無幾。另外，影相質素上，iphone真係好強，影出來靚好多，當年iphone4影出來都唔差，純屬個人看法。成日聽人講乜乜機有1200萬喔，人都俾d數字幾多百萬呃晒，但影出來一樣唔靚得去邊，都係數字遊戲，唔好中計。不過都要中立d講句，靚唔靚見人見智，都係自己比較過好d。

如果iphone真係出大mon，我諗蘋果迷可能會大增，因為好多人等左好耐，佢終於有咁係心郁郁想轉會(如果大我都心郁郁)。反之，可能會少好多蘋果迷，人地就係鐘意你細細部，你出咁大部做乜鬼，一d都唔方便，又轉會。可惜，你走你事，大把人衝去買，少你一個唔少，最後都係蘋果得益，反正佢出咩都俾人鬧。

p.s. 各位android朋友準備轉會XD

Read more

偷食變需要@@偷食網AshleyMadison出晒位

pic: zh-yue.wikipedia.org

上年AshleyMadison已經登錄香港，仲要太賣偷食有助增進彼此關係，真係放屁，竟然提倡咁既文化。依家又去左南韓搞事，幫個邊既情人增進感情。仲要短短一星期已經有成5萬會員，仲有設定目標，要有50萬個會員。

上年見到呢單新聞個陣，同朋友講笑話，不如我地又開返個網，不過係反偷食網。一於去反偷食，睇下有邊d衰人去偷食@@ 人地西人講乜提倡乜你地就做乜，成日話要西化，要西化都唔應該乜都跟隨，無晒自己底線，隨波逐流，自己無思想？什麼增進感情，家破人亡就有份。

Read more

可愛的M世代

pic: news.artxun.com

近排同「M」字有關新聞或趣事好多，最早有「找食M記的女友」、「14巴女」都放個M記袋係則邊、食M男@@等等。

近日M世代又大作新聞，上班無得用wtsapp竟然屈出病！佢地真係有病，新聞仲要話「有人力顧問建議提供小休或彈性措施解決問題」。將無得用wtsapp或玩手機當成係問題，係咪咁諗既人都好有問題，仲要有咁多建議。

老闆俾人請人黎返工，依家搞到好似要湊埋仔咁，要呵佢要氹佢，怕佢工作效率唔好，嘩嘩嘩！仲要出埋俾佢架！做老闆都好辛苦。

好在我身邊未見到有咁瘋狂既人出現，我怕我見到會瘋狂咁大罵佢一頓。

p.s. 老闆開始都要去上湊仔班同傾下湊仔經...

Read more