爆廢爛劇場 2

臭豆腐大家聽得多，唔知大家知唔知仲有D咩係臭出名既呢?

傳說…記得係傳說呀，傳說古時有個地方叫朱家村，有一對岩岩加入左失業大軍既夫婦，咁好當然咁呢個就係朱家村入面其中一對既朱氏夫婦。

古時就係冇咩生活保障，冇強積金、又冇生果金、又冇綜援，朱氏夫婦都唔知點算好。

好在朱家村既男人都練左一手好武功，十陽神功呀、八陰真經、梅花寶典咁濕濕碎，完全係”NO趴笨”。 所以好快朱生就帶齊工具(鉛筆、擦膠咁)，就走左上山打獵。

朱生佢效率好高，飛下鉛筆、擦膠咁就屍橫遍野，伏屍十里。

當朱生帶左成堆獵物返屋企，佢兩夫婦當然好開心啦，諗住聽日一早就拎去村口門牌底下賣。

點知去到村口，就已經見到好多村民開晒肉檔，咩肉都有、仲要多種口味，甜、酸、苦、
辣、咸樣樣有齊。受到打擊既朱氏夫婦，只好帶番佢地一堆獵物返歸。

受到打擊既朱氏夫婦，冇晒mood，連食飯都冇味。朱太一直諗一直諗，連便便個陣都諗緊有咩辦法搵錢。

朱太心諗︰「甜、酸、苦、辣、咸既肉都有，整咩味先至有market呢?」

朱太諗左好耐都諗唔到，就諗住放棄，點知一唔諗，就聞到好鬼臭既便便味。佢靈光一閃，「係呀，冇人試過賣臭肉呢。」

之後，佢就同朱生一齊研究臭肉，仲拎去村口度賣。點知唔賣就自可，一賣就好鬼火，由其係新出既「臭襪味酒釀連骨肉」最受歡迎，d人一路食一路吐骨頭，仲一路讚「好臭」，朱家臭肉真正臭名遠播。

所以好多人都會講 — 「朱門酒肉臭，路有凍死骨」

(以上純粹搞爛，如有雷同，實屬巧合。)