菲人生活 - 新奇餸菜

話說近排香港傳出好多菲傭同僱主既掙執事件，甚至鬧上新聞。小編身邊也有很多朋友仔在討論菲傭問題，他們在互呻期間，小編聽到一個因美麗誤會演變成的新奇餸菜。

有一天......

朋友A：小菲，今晚我地想食蝦仁炒蛋，你識唔識整？
小菲：ok！
朋友A：仲有仲有，整多味粉絲炒節瓜，呢樣你識唔識？
小菲：ok！粉絲炒節瓜。
朋友A：呢到100蚊，用剩你睇下整咩餸。
小菲：ok！sir！

到左晚夜......

朋友A：小菲、小菲..... (大叫)
小菲：咩事？呀sir。
朋友A：做咩得兩樣餸咁少，連湯都無得飲？
小菲：你叫我整蝦仁炒蛋同「粉絲」炒節瓜嘛。
朋友A：無錯呢兩樣餸都唔係太貴姐，點解買唔到其他野。
小菲：d蝦太貴，用左好多錢。
朋友A：你買左虎蝦？(見到好大件既蝦仁)
小菲：街市賣魚勝話呢種蝦好味道。
朋友A：......
朋友A：咁做咩無粉絲架？！
小菲：係到呀，番薯嘛，你叫我番薯炒節瓜。
朋友A：......
小菲：係咪我做錯事，呀sir？
朋友A：你無做錯，係我搞錯姐......

就係咁，就產生左呢個美麗誤會，由蝦仁炒蛋變成「苦」蝦炒蛋，粉絲炒節瓜變成番薯炒節瓜。聽落雙方都無咩錯，只係互相未係好了解，溝通不足，就當係上左一課。