菲人生活 -「塗改液炆圖書」

想當年麥當當出飯包，都已經令大家無言，仲要連小編都經常幫襯，夠特別嘛，明明食包既地方飯食。就係連麥當當都有飯食，接落來市面上都好似無咩新意思，除左真係用屎整既「臭豆腐」同無龜板既「龜靈膏」之外。



pic: http://www.tieku001.com

不過，近年國內就創意無限，連山珍海錯都要放埋一邊抖涼。好多人都話國內人抄襲能力特強，無創意。小編既諗法就有少少唔同，如果無創意又點解唔抄晒，又點會諗到「西瓜炒香蕉」同埋「粟米炒提子」如此傑作。除左以上兩味，仲有「豉油王炒雞頭」、「辣椒炒月
餅」同「彩虹糖餅」。話人無創意，你地諗唔諗到呀？

pic: www.sharpdaily.hk

pic: www.sharpdaily.hk

上海同北京都好似幾歡喜呢d食野喔，互相競爭緊，推陳出新。吳爽一分鐘到提到，「網友最有建設性既提議係叫May姐落幾滴雞汁咪得囉，哈哈哈哈哈！」我估May姐食完都真係哈哈哈，然後另外兩個靚女會話：「d香蕉真係好有質感，d西瓜好有西瓜味，仲聞到好大陣雞味添。」

真係講你都唔信，唔好理好唔好食先喇，諗得出呢種餸，真係要俾返個叻佢地，仲要頒個最有創意食物大獎俾佢地。當然，小編經過佢地既創發，突然爆發小宇宙，諗到一味塗改液炆圖書。呢味餸最岩應試考生食架喇，實行好似記憶面包咁，一野食晒落肚，書都唔使溫，諗起都想食。

p.s. 「塗改液炆圖書」純屬虛構，切勿嘗試