首先，正常一望就知材料大約有咩了吧。冇錯! 你真醒目，答岩晒，咁我就唔係度多講了。
咩話? 你話都想對下答案? 好吧，咁我好快咁講下......材料有︰冇左扭蛋既扭蛋殼1個、漂到好白既即棄筷子1對、2頭肥既雪條棍4支、牙纖1支、廣告彩+珠仔+模型油筆適量(因應所需)。
好啦，廢話講左1堆，呃左唔少字數，係時間入正題。
咁首先睇下以下圖片︰
正如上面2張圖1樣，整呢個扭蛋公仔係需要係白紙上面起稿，咁本人就係網上面搵左張岩心水又易畫既圖，再照扭蛋形狀設計一下就搞掂個草圖啦 (其實亂畫就OK，因為計劃多數趕唔上變化 ORZ)。
如果大家有留意到第1張圖有支廣告彩的話，就知道健康既膚色係點黎了，不過呢度有樣野提1提，如果想要光滑既肌膚，唔使用SK2，你只要係蛋殼入面上色就好了......
然後就好簡單，照住你係白紙起既草稿係隻蛋上面畫就好了! 盡量唔好手震就得，震左都唔緊要，唔嚴重就補1筆，太過份就抺左佢吧。
點抺? 因為上面材料度有提過，有用模型油筆吧!? 現在外面既黑色就係用模型油筆畫上去，有玩開模型既朋友都知模型油筆既好處，冇玩就順便講講，模型油筆1睇就知係油性筆，你屋企只要有消毒用酒精就可抺走。 而且模型油乾左正常就唔易甩色，當然......如果你好多面油......又咁岩整到1手都係，咁我都冇咩好講......
如果細心既朋友會見到上面胖妹面前有2舊黑色野吧，個舊就係輕黏土整既頭髮 (手工比較差)，有睇上一篇就會見到小夫個飛機頭，都係用輕黏土整既，畫好晒痴上去就得。
額外提1提，靜香個頭睇落比胖妹既令好多吧? 呢個係蛋殼問題啦，唔知係咪大SIZE既蛋殼都係比較瓦色，胖虎同胖妹整左出黎之後都係乾燥肌膚......
咁最難既部份就做好左，之後都係將2支雪條棍上黃色，鑽個窿，再痴好就OK。底下就吉2支筷子，痴住2支唔使油既雪條棍，固定好就KO~
胖妹就好是但咁整頂畫家帽帶住，畫埋下面件吊帶衫就差唔多完成；靜香就簡單咁整2隻蟹鉗做髮尾，畫個衫領就差唔多完成。
大約成個過程就係咁簡單，有興趣就自己整番個玩吧，最難係扭中岩色既扭蛋殼呀!!!!
( 如有任何查詢就留言吧，因為冇咩人留言有D心傷 ORZ )
0 留言:
發佈留言