龍貓：主人，我好凍，你去左邊？
落雨濕濕，各人都來去衝衝，突然走出一隻巨型老鼠，途人都大驚做咩有咁大隻老鼠，仲要唔驚人，周圍走，引起圍觀。小弟睇真d，認為佢唔係老鼠，應該係寵物「龍貓」。當時有個拾慌者出現，佢話係有人放底係到，仲要紙包箱到仲有幾隻。
 |
| 好在佢無衝出馬路... |
當時都有好多人圍觀，但無乜人有意思去幫幫佢地，只係得個睇字；係其中有一個伯伯令我印象最深刻，佢話「如果我知愛護動物協會電話，實打去」；當時我正搵緊電話號碼，打去香港愛護動物協會，佢地聽到後話會即刻過來接收，個心即刻都定d，無咁心酸。最後，原來個伯伯有打俾佢個女，叫左佢個女打電話去求助。
 |
| 途人都避開，當佢老鼠看待... |
心諗，主人呀！主人呀！你當初買我個陣又當我如珠如寶，依家又將我放係條街到，咩意思呀？無論咩原因都好喇！都唔應該將小動物胡亂遺棄，廣告都成日宣傳，叫你地養之前諗清諗楚。講起都嬲......
 |
| 我唔想住係到~ |
龍貓：主人，你快d黎搵我~
0 留言:
發佈留言